senti....

walang kasing ganda pagmasdan ang bukang liwayway
walang 'sing tamis ang huni ng ibong maya sa pagsilip ng umaga
di mapapantayan ang saya ng paggising
na makikita kung gaano kadalisay
ang pag-ibig na nadarama

walang hindi ko kayang lusubin,
kahit buhay ang iyong hingiin
upang matiyak ang iyong kaligtasan
walang hindi kaya ibigay,
para sa sintang minamahal.

walang katulad ang pagmamahal na nararapat na ialay sa tulad mo,
ang buhok mong kasing itim ng gabi,
at ang mga labi mong kasing pula ng dugo,
na dumadaloy sa aking ugat at nananahan sa aking puso
ang mga mata mong tila nang-aakit
na di kailanman mabubura sa aking gunita

atin ang bukas kung iyong nanaisin,
hawak natin ang bawat umagang darating
sa anumang sigwa na maaring dumating
ako ang haharang upang ika'y di masaktan
atin ang lahat ng bituin kung hihilingin,
atin ang buwan at pati na ang araw...

dahil para sa iyo,
alay ko ang bawat umaga
sa iyo ang buhay ko
dahil walang kapantay
ang pag-ibig na inaalay ko